కళ్ళల్లో కదిలే స్వప్నం .... గుండెల్లో రగిలే విరహం ....
అంతా నీవంటూ ఉంటే కాదనలేకున్నా ...
మదిలో నీ తియ్యని రూపం ... పదిలంగా ఉందనుకుంటే ...
ఎటు చూసిన నువ్వే కనబడి వేదన పడుతున్నా ...
కల అని నేనెంతగా చెప్పినా కాదని అంటుందే మనసు ...
నీవైపే పరుగులు తీసిందే ...
తొలి వలపే వికసించెనా ....
నను వీడకే ప్రియ నేస్తమా ...
చరణం 1:
చిగురించిన పెదవుల పైన ... చిరునవ్వుల వెన్నెల వాన ...
అంతా నాదనుకుంటూనే సంబర పడుతున్నా ...
చిలకలోని తియ్యదనాలను ... పిలుపులోని కమ్మదనాలను ...
అన్నీ నీలోనే చూసి ఆనందిస్తున్నా ...
అలలాగా ఎగసిపడే నా మనసునెలా ఓదార్చేదీ ....
జ్ఞాపకాల పల్లకిలో నీవే ...
తొలి వలపే వికసించెనా ....
నను వీడకే ప్రియ నేస్తమా ...
చరణం 2:
నీలాల గగనంలోన ... మేఘాల ముసుగుల్లోన ...
తళుకుమన్న తారవు నీవని నేననుకుంటున్నా ...
ఊహలనే ఊసుల్లోన ... ఊరేగే నీ ప్రియ భావన ...
ఊరించి వదిలేస్తావని ఆలోచిస్తున్నా ...
నా నిన్నే పొందాలని నేనెంతగ నాలో నిన్నే కోరినా ...
నా ముందుకు రావెందుకు నేస్తం ...
తొలి వలపే వికసించెనా ....
నను వీడకే ప్రియ నేస్తమా ...
No comments:
Post a Comment